பாதரட்சை

செருப்பாய்க் கிடப்பேன் - உன்
காலடியில்
சிதைந்தே இருப்பேன் - நீ
இல்லையெனில்

மறக்கமுடியவில்லை
கடலோரம் நாம் கால்கோர்த்து
நடந்த அந்த நாட்களையும்

என் கால்தடம் கூட
நீ மறைப்பாய் - எனை
காட்டிக் கொடுக்காமல்

உன்னையும் நான்
மறந்ததில்லை- என்றும்
என்னுடன் நீமட்டும்
என் தனிமையில் கூட

கண்ணையே இழந்தாலும்
உன்னை நான் கண்டுகொள்வேன்
கோயில் வாசலிலே - என்னை
விட்டு நீ சென்றதேனோ?