Sunday, April 8, 2012

தொலைந்த அந்த நாட்கள்



பட்டி தொட்டியெங்கும்
பாட்டி கதைகேட்க
வட்ட நிலா முற்றமெலாம்
சுற்றிவந்த
முன்னோர் காலமது

கற்றவரும் உற்றவரும்
மற்றவரும் கூடி நிதம்
வெட்ட வெளி தேடி அதில்
வட்டமிட்ட காலமது

நட்ட பயிர் பட்டவுடன்
தொட்டணைத்து முத்தமிட்ட
கட்டழிந்து போன எங்கள்
கட்டழகுக் காலமது

நட்டநடு நிசியில்
பட்டப் பகலெனவே
சுற்றிவந்த எங்கள்
தொடராய்த் தொலைகின்ற
தொலைவான காலமது.

No comments:

Post a Comment